 |
التجمع الديمقراطي القوي الشفاف في لبنان
الصفحات الرئيسية
عربي
فرنسي
إنكليزي |
مدير ومؤسس هذا الموقع : الدكتور سعد عبدو، كفيفان، البترون، لبنان. |
مواقف التجمع:
http://www.lebanese-transparent-democracy.org/ar/19ar/ar-actu-191027.htm
الأحد، 27 تشرين الأول، 2019. لمصالحهم بيجمعونا ولمصالحهم بفرقونا عم يلعبو
فينا وما بخافو إلا من وحدتنا
Efoneone All
«
لمصالحهم بيجمعونا ولمصالحهم بفرقونا عم يلعبو فينا وما بخافو إلا من وحدتنا نحنا
شعب ربينا على الأحزاب والطوائف بالمدارس بالجامعات عالتلفزيون بالشوارع.. البعض
منا عنده كرامة زعيمه أهم من كرامته وكرامة ولاده أهم من عيشته ومصلحته!! عم يضحكو
علينا وهرونا بكلمة أنا قدمت ابني شهيد للوطن وأنا بيي راح ضحيه للوطن يا خيي على
راسي ابنك الشهيد وبيك الشهيد أجرهم وثوابهم عند رب العالمين والبلد قدمت ملايين
الشهداء كمان بس ضروري نتنفس زباله وناكل قرف ونعيش عيشة حيوانات بهالحجه شو دخلنا
بسوريا وإيران والسعوديه والعراق والصومال كل ما طالبنا بحق بدنا نسمع هالكلمتين
ونتدعوس وننذل ونتفرق !! لما بيجي آخر الشهر بدي ادفع الأجار او الكهربا او المي ما
بقلو انا من طرف أبو الشهيد او إبن الشهيد لأن بيطرقني مسبه قد راسي شو بفيدنا
هالحكي وليش بهالحجه قتلتو البلد وذليتو الشعب كلامكم ما بطعمي ولا بشرب خلص نحنا
عم نموت وكنا عم نرضى بأقل من القليل بس انتو ما بقا عم تشبعو الطمع والإستبداد
والجشع عامي قلوبكم وكلكن متل بعض معقول رئيس بلد يطلب ممثلين عن الشعب ليوصلوله
معاناة الناس معقول 30 سنه مخترط بعالم السياسه وصار رئيس للبلد وما بيعرف شو حقوق
المواطن معقول رئيس بلد يوصل شعبه يلي ائتمنو على بلدهم انو يطالبو بلقمة الأكل
!!!! عم يتذرع بحجة انو ما حدا عم يسمع منه وفي فئه عم تعطل الإصلاحات طب والعلم
الملون وعنوان الحزب يلي ناسبه إلو وكل الأعلام الملونه وأسماء الأحزاب من وين إجت
وهاي شو هدفها غير التقسيم وخلق الحقد والكره والطائفيه بين الناس وطبعا لحتى يضلن
مسيطرين وعم يديرو ويسرقو البلد على كيفن وما بينجحو الا بهالطريقه فرق تسد ..
بالإنتخابات دواير رسميه وكل مرشح الو شارع وعلم معين البلد كانت بالألوان وحسب
لونك بتنعرف وكل خمس دقايق تنزلو عشوارعنا وتحقدونا وتخوفونا من الخساره والهزيمه
والشعب على طيبته يصدقكم ويهتف لحتى صار يصرخ من الوجع من الجوع من الفقر من الذل
وانتو آخر همكم وكل طموحكم نضل مفرقين لتضلو مسيطرين وعم تدعسو علينا وعم تغنو على
حسابنا .. هلأ نزلو شباب الضاحيه على طريق الجديده ليشجعو سعد الحريري من ايمتى شو
هالمسرحيه !!! لك ابن طريق الجديده بخاف يلبس ازرق بالضاحيه وابن الضاحيه بخاف يلبس
اسود بطريق الجديده خلصونا بقى قرفنا وتعبنا منكم لوين عم توصلونا فكركن نتدبح مع
بعض !! مش مستعدين نخسر اهلنا ورفقاتنا والناس لمنعرفهم ويلي ما منعرفهم كرمال اي
زعيم روحو انتو قتلو بعض انا بدي حط ايدي بإيد ابن بلدي ونلحق البلد يلي قسمتو
وخربتو ولوثتو بفسادكم وطنا واحد وعلمنا واحد وطلبنا واحد تحت اسم الفقر بدون دعم
اي حدا لأن الفقر ما بحاجه لدعم وما رح دافع عن واحد ساكن بقصر واترك ختيار وختياره
معترين نايمين بالطريق ما معهم ياكلو ولا معهم حق دوا يتحكمو مش رح دافع عن ولاد
زعيم معلمين بأحلى مدارس وأترك يلي طلعو من المدرسه بسبب القله والأطفال تحت الخمس
سنين يلي عم تشحد والعالم يلي عم تنكش بالزباله لتاكل !!! الله معنا وانتو جاييكم
يوم كلكن رح تموتو وما رح تلاقو مين يترحم عليكم والدعاوي رح تنزل متل الشتا على
قبوركم . سني شيعي مسيحي درزي كلنا لبنانيه الدين لله والوطن للجميع كلنا إيد وحده
. »
--
ثورة الجياع ضد النظام الاقطاعي الفاسد، اليوم الحادي عشر:
Kerbalaa
( ايران برا برا ) فيديو
-------------------------------------------------------------------------
مستحيل الاصلاح إلا بعد سحب كل السلاح الخارج عن الدولة.
هل تُعمّر بيتك ولا تخاف على حياتك وعلى ممتلكاتك وأنت تعيش مُحاط بميليشيات
ارهابية مسلحة وبدون حماية دولة القوانين العادلة العلمانية ؟
---------------------------------------------------------------
هل يخطر على بال حسن نصر الله ان عليه تسليم سلاحه الى الجيش اللبناني وإلغاء حزبه العنصري.
----
تريد في لبنان نهاية الأحزاب الاقطاعية العميلة لدول ودكتاتوريين وزعماء دين في الخارج ؟ ناضل في "تدقشل ".
----
نريد تغيير الطبقة السياسية ببناء كتلة نيابية جديدة للديمقراطية الشفافة ولدولة قوية عادلة تنهي سيطرة الإقطاع اللبناني والأغنياء ورجال الدين والميليشيات. اشتركوا بنشاطنا.
تدقشل ( التجمّع الديمقراطي القوي الشفاف في لبنان )
مبدأ أساسي : < أشتغل لتأخير الموت وتحسين مستوى حياة كل إنسان عند جميع الشعوب >
www.lebanese-transparent-democracy.org/ar/indexar.html
webmaster@lebanese-transparent-democracy.org
___________________________________
من الاعلام :
|
التجمع الديمقراطي القوي الشفاف في لبنان، ليس مسؤول وليس منتج للمعلومات المعروضة، وهيَ تعبّرْ عن رأي المنتج فقط، وهدف عرضها هوَ لدفع المواطن للتفكير كيف يحمي حقوقه في هذا الكون الفاسد. نقول أن الديمقراطية الشفافة المنفصلة عن الأديان والعنصرية ستساعد إلى عالم أرحم. |
|
__وصلات __ تقديم رسالة إلى الإدارة، فقط إذا أردتم أن تساهموا كمناضلين أو كداعمين مع معرفة هويتكم أو بدونها. ___________
_الصفحة الأولى للتجمع الديمقراطي القوي الشفاف في لبنان
|
