 |
التجمع الديمقراطي القوي الشفاف في لبنان
الصفحات الرئيسية
عربي
فرنسي
إنكليزي |
|
مواقف التجمع:
الإثنين، 04 كانون الثاني، 2016. بقلم ايلي سعادة. معلومات عن ثورة الفلاحين
وطانيوس شاهين.
http://www.lebanese-transparent-democracy.org/ar/16ar/ar-actu-160104.htm
الإثنين، 04 كانون الثاني، 2016. بقلم ايلي سعادة. معلومات عن ثورة الفلاحين وطانيوس شاهين.
المقدم طانيوس ابن شاهين من بيت سعاده الريفوني، الكسرواني، الجبل - لبناني، اللبناني قايد ثورة الفلاحين بوج اقطاع بيت الخازن...
بقولو انو طانيوس اجا علحياة بسنة 1815 بضيعة ريفون وفيا وافى ربّو بسنة 1895.
حسب خبريات التراثيه المتعدده ان كانت مكتوبه ام شفهيه، قام طانيوس شاهين بتحريك شعور الاقطاعي اسد الخازن يللي كان ملقب بهيديك الايام بالشيخ، بمداس اشترا ببيروت من الفرنساويي وطلع عا ضيعتو يتمختر فيه، فامر الاقطاعي زِلامو بتقطيع المداس شقفه شقفه لان ما كان مسموح لغير الاقطاعيي يلبسو تياب او جزمات اوروبيه...
هيدي وحده من الاساسات الكتيره يللي الكتّاب اعتمدو عليها ليبلشو سيرة قايد ثورة الفلاحين بوج الاقطاعيه الخازنيه...
وِرِت طانيوس شاهين سعاده من بيّو كار المكاريه، وصناعة الحداده والبيطره، وتجارة الاحصنه والبغال... كان طانيوس زلمه متلو متل كتار من ولاد الضيّع يللي حولتون قساوة الدني والفقر لناس صلبين واُمّيي من فقر هيديك الأيام...
انعرف طانيوس بالذكا الفطري وقوة الجدل يللي ساعدتو باتصالاتو مع دول العالم بهيديك الزمن متل؛ فرنسا، وانكلترا، الاستانه وكتير من طبقات الشعب اللبناني...
وعانى طانيوس من قتل بيّو مسمّم بفنجان القهوة من الاقطاعي يللي كان ملقب بالشيخ وحاكم زوق مكايل وكسروان بشارة جفال الخازن يللي قتلو لان اتجرأ وسلّم عليه بالساحات العامه... وموت بيّو كان سبب كتير مهم لثورتو...
فقام يجمع حواليه الفلاحين المظلومين لقَبِع الاقطاعيه الخازنيه... وجاب لصوبو الارساليه العازريه يللي تبنو وساعدو وقدمولو ديرون مكان لقيادتو يللي قلبت النظام الاقطاعي فوقاني تحتاني...
قدر طانيوس ابن شاهين سعاده بحملاتو الدعائيه يللي كان يعملا بلضيّع ويقيمون على الإقطاعيه انو يجيب لميلتو اهالي كسروان؛ ساحل، وجبل، وجرد. وفتح بيتو بريفون خزانات سلاح وذخيرة ونبيد يللي كان افخر هدايا هيداك الزمان...
بمساندة الفلاحين الفقرا المظلومين صارت كسروان ملعب خيل جيشو الفتي يللي دب الرعب بقلوب شيوخة اقطاع بيت الخازن وطردون وسيطر على املاكون ورد املاك الفلاحين...
وهيك هو صار رئيس لأول جمهورية شعبية حسب بعض الكاتبين والعارفين بامور ثورتو...
ولكن الفساد والانحلال الإداري بجمهورية ثورة الفلاحين، وعداوة البطرك بولس سعد الو من بعد ما عاد الو كلمه بجبل لبنان، والسرقات يللي ساهمت بانشاء عيّل قويه جديده، وحرب 1860 وتقدمُ يوسف كرم الزغرتاوي عليه بدعم من العثمانيي، وتخلّي اللعازاريي عنو، ساعدو على إلغائو من بعد ما خضع للحكومه العثمانيه، وفرض عليه القبول برجعة بيت الخازن لديارون من دون القاب ومن دون اقطاع ومتساويين بالفلاحين...
بقولو انو من سنة 1857 لـ 1860 كانت عز فترة ثورة الاسطوره المقدم طانيوس شاهين سعاده يللي ناس شافوها خلاص للشعب بهيداك الزمن، ويللي ناس غيرون شافوها بغل ركبتو مصالح الدول وما عرف المقدم طانيوس ابن شاهين من عيلة سعاده يستفيد منا...
وكيف ما كانت النظره لهل انسان ما حدا بيقدر ينكر تاريخيّتو وعملو...
..............................
تدقشل ( التجمّع الديمقراطي القوي الشفاف في لبنان )
< أشتغل لتأخير الموت وتحسين مستوى حياة كل إنسان عند جميع الشعوب >
lebanese-transparent-democracy.org/ar/indexar.html
webmaster@lebanese-transparent-democracy.org
_______________________________________________
من الاعلام :
|
التجمع الديمقراطي القوي الشفاف في لبنان، ليس مسؤول وليس منتج للمعلومات المعروضة، وهيَ تعبّرْ عن رأي المنتج فقط، وهدف عرضها هوَ لدفع المواطن للتفكير كيف يحمي حقوقه في هذا الكون الفاسد. نقول أن الديمقراطية الشفافة المنفصلة عن الأديان والعنصرية ستساعد إلى عالم أرحم. |
|
__وصلات __ تقديم رسالة إلى الإدارة، فقط إذا أردتم أن تساهموا كمناضلين أو كداعمين مع معرفة هويتكم أو بدونها. ___________
_الصفحة الأولى للتجمع الديمقراطي القوي الشفاف في لبنان
|
